كلمات اغنية هما عايزينها فوضى مع الفيديو كليب - محمد رمضان
من كلمات وألحان فرغلي بليكس، طرح الفنان محمد رمضان،أغنيتة الجديدة "هما عايزينها فوضى"، ويأتي طرح الكليب بالتزامن مع حفل تكريم محمد رمضان، المقام مساء اليوم الأربعاء في قاعة الشهرة بالجامعة الأمريكية بالتجمع الخامس.
كلمات اغنية هما عايزينها فوضى محمد رمضان
هما عايزينها فوضى
فوضى فوضى فوضى
اولا أنت مش راجل
بعد ما هربت بعيد جاي تعمل فيها مناضل بالباطل
ازاي عايز تخطط لمستقبل شعب كامل
لو مشروع حياتك الوحيد اللي أنت عملتته فاشل
تعرف ايه انت عن الشارع واللي بيحصل فيه
تعرف ايه عن الطفل اللي من صغرو بيصرف على البيت
تعرف ايه عن الغلبان اللي بيعرق من أجل الجنيه
أكيد مسمعتش صوت الشعب وأنت جوه الكباريه
تعرف ايه عن الأصول وحق الملح والعيش
تعرف ايه عن الآمان اللي سببو الشرطه والجيش
اللي مالوش كبير،بيشتري دا اللي تربينا عليه
وده بينفي أنتماء الشارع اللي بتدعيه
طب أفترضنا أن كلامك ده بجد
لما نعض في بعض أزاي ده هيجبلك حقك
استنى أنت بتقول أنك مقاول
فطبيعي مش حتلاقي فرصة شغل غير لما الدنيا تنهد
البينه على من أدعى
لو اتفرقنا مين وراك هيبقى ليه منفعه
أبليس واخوانه عايزنها مولعه
مصر جنه بيهابوها علشان أهلها متجمعه
هما عايزينها فوضى
فوضى فوضى فوضى
مهما هيعلوا صوتهم بس صوت الحق أوضح
هما عايزينها فوضى
فوضى فوضى فوضى
مهما هيعلوا صوتهم بس صوت الحق أوضح
عدى علينا كتير منكم على أمرالزمان
إحنا مقبرة الغزاة، إنتوا مجرد هواة
الخسيس الجبان،ملهوش في وسطنا مكان
هنفكركم لو نسيتم بلد الأمن والأمان
اللي اتذكرت في القرآن،وبتعلى كل يوم بولادها
اللى منهم ع الحدود، واللي بيذاكر المنهج
والفلاح والصنايعي والضابط والأم في بيتها
مش اللي قرر أنو يبيعها، ويهرب منها بعيد ويسبها
الراجل اللي بجد لو ليه حق مش ها يسيبو
لو هرب آخر الدنيا ،لازم يرجع ويجيبو
عذرا على التشبيه، بالنسبا لنا التخريف
زي أي فيديو ليك،ما فيش عاقل عايز يعيدو
هما عايزينها متدمره
بالنسنبا لنا وطن،بالنسبه لهم مستعمره
بالعدل والسلام هنتحرك لقدام
مستحيل نرجع تاني خطوه ورا
هما عايزينها فوضى
فوضى فوضى فوضى
مهما هيعلوا صوتهم بس صوت الحق أوضح
هما عايزينها فوضى
فوضى فوضى فوضى
مهما هيعلوا صوتهم بس صوت الحق أوضح